Vásit sáttoábi erenoamášvuođa
Golggotmánu 28. b. - skábmamánu 08. b. 2025
Haddi: 21 100 NOK rájes
Yoga litna sáddus
Bures boahtin min ekslusiivva yogamátkái Marokkoi! Vuolgge fárrui Sahara sáttoábi litna sáttodieváid jaskatvuhtii, gos dološ yogaoahppa deaivvada sáttoábi jaskes fámuin. Dát retreahta addá dutnje vejolašvuođa mannat iežat siskkimussii - dikšut rupmaša, miela ja vuoiŋŋa - ja gávdnat siskáldas ráfi. Yogastallan ja ođđa dillái oahpásmuvvan leat muttágit heivehuvvon oktii nu ahte šattat vuonjis ja dievva inspirašuvnnain.
Jurddaš beassat álggahit beaivvi iđitguksos. Gállolámppáid čuovggáhallamis álgit vanahallamiiguin mat jorret álššáiduhtti kriyan. Ja de vuoiŋŋastat ja mediteret.
Nuortan sáttodieváid duohken vávjit iđitbeaivváža badjáneamen min lávlumii. Go de dovdagoahtit suotnjariid liggemin min, de máhccut yogamáhtáid gieđavuollái ja njiedjat dievás, ođđa fámuiguin.
Dasto, ovdal go beaivváš luoitáda, de bovdet du sivvadis vanahallamiidda maid loahpahat meditašuvnnain. Go nástit de bilaidišgohtet, de velledat liegga sáddui ja divttát iežat vuodjut čiekŋalis ja dálkkodeaddji vuoiŋŋasteapmái.
Davvi Yoga bagadeaddji Berit Nystad doarju du sihke lihkastagaid ja meditašuvnnaid čađa, nu ahte sáhtát fátmmastit juohke lihkastaga, jiena ja vuoiŋŋádeami fámu.
Mii lea vuordagis
Šerres nástealmmi rájes guoibmás dollastallamiidda árrangáttis, juohhke čalbmeravkaleapmi leairras lea bovdejupmi guođđit huša ja čatnasit lundui. Retreahtas geassádat máilmmis eret ja searvat oktavuhtii mas yoga lea guovddážis.
Danne go yoga fátmmasta buot olbmos, de sáhttet váivves ja vuorddekeahtes dovddut badjánit. Dát sáhttá dovdot váttisin ja suhttadahttin, ii ge olmmoš soaitte áddet manne dovdá nu mo dahká.
Dát lea yoga vuoigŋa. Ane buorrin go dán beasat vásihit. Don leat namalassii buhttisteamen iežat čiekŋaleamos čiegáid.
Arvva luoitit
Buđaldeamet ja doaimmat
Yogastallamat: Álggahat beaivvi yogastallamiin iđitguksos ja loahpahat yogastallama go beaivváš luoitáda. Yoga heive sihke easkkaálgiide ja hárjánan yogastalliide ja sáhttá bagaduvvot golmma gillii - dáro- eaŋgas- ja davvisámegillii.
Dovddidit: Dán mátkkis dahkat feara maid, nu go kamelain riidet, sáttoláibbi láibut, hávdojovvot liegga sáddus, hárjehallat breathwalk, oahppat málestit guovllu borramuša, galledit Ait ben Haddou Kasbah, Atlas film studioid ja kooperatiivva mii gođđá amazigh dahje berber ránuid.
Prográmma
Beaivválaš prográmma
-
Joavdat Marrakechii, boradat riadas, eahketyoga mas bures vanahallat maŋŋá mátkki.
-
Marrakechas Mhamid sáttoáhpe-leirii.
Álgit kundalini yogain iđitguksos ja vizardeaddji lottiid jienaide. Iđitborramuš ja de vuolgga 09.00 áiggi. Jođedettiin rasttildat Marokko alimus ávžži, Tiz´n Tichka. Vuodjit Anti-Atlasváriid bokte ja go beaivváš luoitáda de joavdat Mhamidii gos sáttoáhpi de álgá. Eahketyoga lea litna sáddus ja loahpahat borademiin.
-
Yogastallan iđitguksos ja de vuolgit Chegaga sáttodieváid guvlui. Eahketyoga ja dolastallan..
-
Kundalini yoga iđđedis, iđitborran, iđitváccašeapmi, beaiveyoga, yin yoga beaivvášluoitádettiin, boradeapmi ja dolastallan. ,
-
Kundalini yoga ovdal go vuolgit Erg Chegagas Ouarzazatii. Yin yoga eahkedis.
-
Loahpahat dán mátkki yogastallama, johtit Marrakechii ja galledat Atlas Film Studioid ja Ait ben Haddou Ksar dohko manadettiin.
Buđaldeamit leairras
Kamelain riidet: Vásit sáttoábi loktosis kamela čielggi alde.
Hávdun: Muosát dálkkodeaddji ja álššaidahtti hávduma liegga sáddus. (ferte leat báhkka dálki).
Breathwalk: Diđolaš vuoigŋan váccedettiin mii bajida vitalitehta.
Jaskesáigi: Jávohaga, loga- ja guldalkeahttá, lávket jaskatvuhtii
Málestankursa: Oahpa málestit dán guovllu láhkai ja návddaš dan lunšan.
Sáttoláibi: Oainne mo eamidábiid mielde sáhttá láibut.
Beaivváš luoitádeapmi Chegaga alimus sáttodievás: Alla sáttodievá alde, návddaš go beaivváš luoitáda.
Sat Nam Rasayan healing: Priváhta healenfálaldat daidda geat hálidit. Máksá lasi.
Hattit
Hálbbeduvvon (dieđihanáigi ovdal geassemánu 1. b. 2025): NOK 21.100 (duppallanjas)
Olleshaddi (dieđihanáigi ovdal borgemánu 1. b. 2025): NOK 22.100 (duppallanjas)
Lassi sierralanja ovddas: NOK 5.300
Dieđihanmáksu
NOK 4 000. Máksu lea oassi ollislaš hattis. Easkka go dieđihanmáksu lea mákson, de leat fidnen saji retreahtii.
Gullá haddái
Buot borramat
Sáhttu girdišiljus ja ruovttoluotta
Vuogas idjadeapmi (Marrakech, sáttoáhpi, Ouarzazate)
Vuogas sáhttu (minibusse, 4x4 biiillat, taxi)
Buot biergasat mat adnojit sáttoábis
Kamelain riidet
Sáttoláibi
Málestankursa
Ofelaččat/sáhtosteaddjit
Čáhci
Yoga
Ii gula haddái
Girdibileahtat
Dáhkádus
Sisabeassanmávssut
Juhkamušat (teadja, káffe, bruvssa Marrakechas ja muđuid jođedettiin)
Tipsa
Sat Nam Rasayan healing
Mátki ovdan ruoktot Marokkoi
Girdibileahtaid tiŋgot ieš. Mátki ovdan ruoktot Marokkoi ii gula retreahta-haddái.
Norwegian girdá Oslos Gardermoenis Marrakechii maŋŋebárggaid ja lávvardagaid.
Lea vuogas buori áiggis tiŋgot girdibileahtaid vai hálbbebui fidne. Norwegiana čakčaruvttut leat dál almmuhuvvon, daddjo guovvamánu gaskkamuttos.
Lassi beivviid Marokkos
Jus hálidat guhkit leat Marokkos, de sáhttá min mátkelágideaddji Voyage Desèrt Maroc veahkkin gávdnat fálaldaga, nu go mahká sightseeinga ja balloŋŋagirdiimiid Marrakecha guovllus.
Áigemearit
Dieđit maŋimustá 01.08. 2025: Sihkarasttát saji retreahtii
Buot galgá leat mákson: 14.08. 2025
Oassálastit
Unnisat 6, eanemusat 12
Searvva mátkái maid it goassige vajáldahte – Dieđit fárrui!
Dán dadjet ovddeš oassálastit
Praktihkalaš diehtu
Idjadeapmi
Mii dálludat luođodilis sáttoábis. Tealttáin leat seaŋggat, muhto jus hálidat vásihit vel eambbo dovdduide čuohci dili, de gávnnat idjasaji olgon stuorra nástealmmi vuolde.
Sihke leairras sáttoábis, Marrakechas ja Ouarzazates leat rišut, hivssegat ja giehta- ja muohtobassan vejolašvuođaid.
Biktasat ja biergasat
Bardde juvlakoaffariidda, sehkkii dahje bagii. Bagáša fievrreduvvo biillaid miel.
Buorit skuovat, sandálat ja viehkanskuovat.
Meahccebuvssat, shortsa, t-báidi ja asehis jáhkka. Páhkke biktasiid sihke báhkka beivviid ja galbma ijaid várás.
Yogabiktasat, buoremusat jus luondduviđa ávdnasis dahkkon. Oaivesuodji
Yogamáhttá, rátnu dahje stuorra liidni.
Gállolámpá dahje lupmalámpa.
Beaivvášvuoiddas.
Heahtedillái biergasat (plaster, febernjeaidin tableahtat, čoavjebonjahat tableahtat, čalbme- ja hávvedoidinčáhci, hávvevuoiddas jna.)
Čáhci ja buhtisvuohta
Hotelliin ja restauranttain leat ođđaáigásaš/oarjemáilmmi hivssegat. Eará sajiin sáhttet leat pedálahivssegat gos ii leat hivssetbábir. Válddes danne mielde toaleahttabáhpára dahje intimservieahtaid, vejolaččat maid giehtabuhtistangela. Dalle ii leat nu heahti jus čáhci váilu. Spriŋŋačázi it galgga juhkat.
Tipsa
Marokkos lea dábálaš attestit “viehkanruđa”, nu guhká go service lea dohkálaš. Dábálaččat addá tipssa ofelaččaide, hotellebargiide, restauranttaide jna. Dus berrejit danne álo leat šlánttit/ruhta maid sáhtát attestit.
Lea áibbas du iežat duohken hálidat go addit lasi ruđa - ja man ollu.
Lágideaddjit
Váldde oktavuođa jus ležžet gažaldagat yoga birra, dahje juoga eará dán mátkki hárrái.
Britt Hansen
Email: britthb@hotmail.com
Tel.: +47 91 30 44 09
Berit Nystad Davvi Yogas
Email: berit@davviyoga.no
Tel.: +47 95 42 95 18
Mátkelágideaddji
Voyage Désert Maroc, bearašfitnodat mii lágida ekomátkkiid sáttoáhpái ja lagas guovvluide.
Oppalaš mátkenjuolggadusat
-
Go diŋgot mis, de dohkkehat min eavttuid.
-
Dieđit midjiide jus ležžet erenoamáš dárbbut. Maŋŋá go lea dieđihan mátkái, de oažžu mátkkošteaddji mátkeduođaštusa/faktura.
Dieđihanmáksu/depositum galgá máksojuvvot ovdal go guokte váhku leat vássán. Jus dieđihat mátkái ovdalaš áigemeari, de oaččut faktura olles mátkki ovddas. Olles mátki galgá leat mákson ovdal bearjadaga 29.08. 2025, guokte mánu ovdal vuolgaga.
Go mátkkošta olggobeal Europa, de lea depositunmáksu NOK 4000 olbmos. Depositum lea oassi ollislaš hattis. Máksojuvvo báŋkku bokte. Go ruhta lea joavdan, de duođaštat ahte leat ožžon mávssu. Go depositum lea máksojuvvon, de diŋgot idjadansåjiid ja mátkedetáljjat biddjojit lágideaddji dataide.
Jus mátkkošteaddji nuppástuhttá maidige, de geahččala lágideaddji dahkat buot mii les vejolaš vuhtii váldit du dáhtu. Eat sáhte dáhkkidit ahte nagadat ollašuhttit buot du dáhtuid.
-
Sáhttá geavvat ahte šaddat earáhuhttit mátkeruvttu áiddo ovdalaš mátkki vuorddekeahtes ja kontrollerekeahtes sivaid dihtii. Dát sáhttá mielddisbuktit ahte šattat loahpahit osiid dahje olles diŋgojuvvon mátkki. Sivat sáhttet leat dálki, luonddu- ja atomaroasut, buollimat, stuimmit, siviila muosehuhttimat, industrijarii čadnon riiddut, terror, soahti dahje soahteáitagat.
Bargoriidu sáhttá leat riidu fálaldagaiguin mat midjiide gusket dahje cuohcat daid fálaldagaide maid min fállat ja maidda eat nagat fállat eará sadjái. Jus šaddet maŋŋoneamit, rievdadeamit dahje kanseleremat "force majeure" dictie, de eat guotte ovddasvástádusa das.
-
Várut ahte dus lea rivttes ja dohkálaš mátkedáhkádus mátkái. Dáhkádus ferte gokčat táhpa, goluid, billašuvvamiid mat bohtet táhpa, lihkoshisvuođa, buozalmasvuođa, jápmima ja medisiinnálaš sivaid geažil, ja maiddái persovnnálaš ovddasvástádusa.
Mii ávžžuhat maiddái du oastit dáhkádusa mii máksá jus láhpát iežat biergasiid, girdit maŋŋonit dahje kanselerejuvvojit, bagáša láhppo dahje láhpát dahje suoládahtat ruđaid.
Buot dáhkádusat leat du iežat ovddasvástádus ja vuordit barggat nu mo čilgejuvvon dás.
-
Eambbo go 60 beaivvi ovdal mátkki: Depositum minus NOK 1 800
Eambbo go 30 beaivvi ovdal mátkki: Depositum ii mákso ruovttoluotta
29-10 beaivvi ovdal mátkki: 50 % mátkki hattis
Unnit go 10 beaivvi ovdal mátkki: Ii mákso mihkkige ruovttoluotta
-
Sáhttet leat erohusat idjadansajiid kvalitehtas. Hotellet, riadat ja guosseviesut diŋgojuvvojit dađe mielde go fidnet sajiid. Mii dieđihat dutnje mat leat gávdnomis, maiddái jus hálidat buoret standárdda lassi mávssu ovddas.
-
Dieđihastte diŋgodettiin jus duš ležžet makkár ge erenoamáš dárbbut, sáhttá leat borramuša dáfus, seaŋgaguhkkodagaid dáfus jna.
Mii bargat buot maid nagadeažžat ollašuhttit du dárbbuid dan ektui mii Marokkos lea vejolaš, muhto eat sáhte lohppidit ahte nagadat duhtadit du hálidusaid ollásit.
-
Fuobmá fal ahte ollu riikkait, rederiiját ja girdisearvvit gáibidit ahte pássa lea dohkálaš gitta 6 mánu maŋŋá go mátki lea nohkan. Mátkkošteaddji ferte maiddái iskat visumnjuolggadusaid su stáhtaboargárgullevašvuođa ektui dan riikkas gos johtá.
Lea mátkkošteaddji geadnegasvuohta váruhit ahte sus ja daid olbmuin geaidda diŋgo mátkki, leat gustovaš pássat, vejolaččat maid visumat, dan beaivvi go lea vuolgga.
-
Jus mátkkošteaddji lea duhtameahttun mainna nu, de ferte dán dakkaviđe dieđihit vuoddjái/ofelažžii, olgomátkki fuolaheaddjái dahje hotelle bargiide. Dat bohtet bargat buot maid nagadežžet njulget dili.
