Fálaldat
Davvi Yoga fállá yogastallamiid mat heivejit sihke easkkaálgiide ja hárjánan yogastalliide. Olbmot galget dovdat iežaset oadjebassan ja bures boahtimin vásihit yoga čiekŋalis beliid.
Áiggožat dal lášmmodahttit iežat, unnidit huššama váikkuhusaid dahje gávdnat siskkáldas ráfi, de lea min beaktilis bagadeaddji dutnje doarjjan juohke yogastallanbottus.
Giđa yogastallan
Yoga easkkaálgiide
Beaivi: Vuosárggaid
Goas: 28.4. – 2.6.
Áigi: 19.00 – 20.30
Gallii: 6 geardde
Dieđit maŋimustá lávvardaga 26.4.
Haddi: kr 1 200
Mávssát: Vippsain dahje rehket bokte
Biergasat: Buot leat yogalanjas
Gos: Badjenjárga 36, Kárášjohka
Dát eahkedat leat heivehuvvon easkkaálgiide. Mii boahtit ollu bargat čilggiin ja niskkiin, ja vanahallat bures vai čavgan suonat ja deahkit bállejit loažžat. Don oahpásmuvat máŋgga lágan vuoigŋanvuohkái ja veahkehuvvot vuoiŋŋastit, go vuoiŋŋasteapmi ja dehálaš oassi yogas. Ja de vel – beasat dovdat meditašuvnna erenoamášvuođa.
Easkkaálgiid yogas leat dávjá lihkastagat oanehat go eará yogastallamis.
Ále bala searvamis. Ále ge smiehta ahte it soja gosa ge. Yoga han veahkeha ložžet čavgan suonaid ja dehkiid - veahážiid mielde dovdagoađát ahte juoidá dáhpáhuvvá. Yoga veahkeha olbmo vuoiŋŋastit, ja veahkeha beassat eret áššiin mat deddet miela. Buot dát sáhttá dahkat ahte dovdagoađát iežat buorebut.
Boađe don ge gii ovdal leat jogastallan. Juohke lihkastat veahkeha, juohke vuoiŋŋádeapmi maid dihtomielas vuoiŋŋáda dahká buori, ja juohke meditašuvdna doalvu čiekŋalat diđolašvuhtii.
Maŋŋá yogastallama de čohkkedastit jugistit yogiteaja. Danne - dohppes kohpa mielde.
Bures boahtin ođđa vásáhussii!
Dá leat eavttut.
Sáhtát maid čállit dieđu nummarii +47 95 42 95 18. Dieđit gallii hálidat searvat.
Dálvvi yogastallan
Yogastallan vuosárggaid
Goas: Vuosárggaid, 13.01. – 31.03. 2025
Áigi: 19:00 - 20:30
Sted: Badjenjárga 36, Kárášjohka
Dieđit: drop-in, čális sms.
Hattit:
12 geardde: 2 355 kr
9 geardde: 2 070 kr
Drop-in: 290 kr
Guhkes vanahallamat, ieš guđeŧ ge lágan vuoigŋan ja álššaidahtti lihkadeamit. Dáid vahkuid bargat bout mii yogastallamii gullá. Mii diehtit ahte olmmoš lea eambbo go dušše suonat ja dávttit, danne lea mediteren dehálaš oassi dán yogas.
Heive sihke easkkaálgiide ja hárjánan yogastalliide, nu ahte bures boahtin!
Sáhtát maid čállit dieđu nummarii +47 95 42 95 18. Dieđit gallii hálidat searvat.
Goŋŋavuoiŋŋasteapmi
Goas: Gaskavahkuid 5.2. rájes, juohke nuppi vahku: 5.2. - 19.2. - 5.3. - 19.3. - 2.4.
Áigi: 19.00-20.000
Báiki: Badjenjárga 36, Kárášjohka
Gallis: Unnimustá viđas geat servet buot heviid.
Dieđit mielde maŋimustá 31.1.
Hattit:
Kr 650 buot 5 geardde ovddas
Kr 165 háválassii
Boađe vuoiŋŋastit goŋŋa šuoŋaide. Sáhttá leat váttis vuoiŋŋastit go buot maid leat vásihan, darvána rupmašii ja millii - jurdagat jorret das mii lea dáhpáhuvvan ja das maid gáttat dáhpáhuvvat.
Yogabodda lea juhkkojuvvon guovtti sullii ovttaguhkkosaš oassái mas álggos yogastallat. Dát váibada du dan muddui ahte nagadat vuodjut goŋŋajienaide.
Ii heive áhpehis olbmuide ii ge mánáide vuollil pubertehta-agi.
Loga eambbo goŋŋa birra dás.
Sáhtát maid čállit dieđu nummarii +47 95 42 95 18.
Buorre diehtit
Biergasat: Buot maid dárbbašat yogastallamii lea yogastallanlanjas.
Biktasat: Cokka vuogas loaččobiktasiid maiguin lea geahpas lihkadit.
Áigi: Boađe fal 10 minuvtta ovdal go álgit vai gearggat gávdnat saji alccesat.
Yogiteadja: Dohppes kohpa mielde go guossohuvvo teadja maŋŋá yogastallama.
Máksin: Mávssát faktura bokte mii dutnje sáddejuvvo.
Eará eavttut: Geahča dás
Illudat juogadit yoga erenoamášvuođaid duinna!